របៀបត្រួតពិនិត្យនាឡិកាម៉ាក Tissot សុទ្ធ១០០% របស់ក្រុមហ៊ុន

ក្រុមហ៊ុននាឡិកា Tissot ត្រូវបានបង្កើតឡើងក្នុងឆ្នាំ 1853 នៅទីក្រុងតូច Le Locle ប្រទេសស្វីស។ ក្រុមហ៊ុននេះបានពង្រីកវិសាលភាពផលិតកម្មនាឡិកាដើម្បីផ្តល់ជូនអតិថិជនជាង 150 ប្រទេសចាប់តាំងពីឆ្នាំ 2009 មក។ ដោយសារគុណភាពរបស់ Tissot និងតម្លៃសមរម្យ ធ្វើឱ្យនាឡិកានៃម៉ាកមួយនេះកាន់តែមានភាពល្បីល្បាញ។ ទន្ទឹមនឹងភាពល្បីល្បាញរបស់ខ្លួន វាក៏ហាក់ផ្តល់ឱកាសឱ្យជនខិលខូចមួយចំនួនបានក្លែងបន្លំនូវម៉ាកផលិតផលរបស់ Tissot ដើម្បីចរាចរលក់ក្នុងតម្លៃថោកៗនៅលើទីផ្សារផងដែរ។

ដើម្បីជៀសវាងទិញប៉ះចំនាឡិកា Tissot ក្លែងក្លាយ ហាង ម៉ូដស្ទ័រ សូមជូនជាគន្លឹះខ្លះៗក្នុងការពិនិត្យមើលពីនាឡិកាសុទ្ធ១០០% របស់ម៉ាក Tissot។




១. ចូរពិនិត្យមើលតម្លៃ៖ ប្រសិនបើនាឡិកា Tissot ដែលអ្នកចង់ទិញនោះមានតម្លៃ ក្រោម ១៥០ដុល្លារ ឬធូរថ្លៃពេក វាអាចជាប្រភេទនាឡិកាកូពី ឬក្លែងក្លាយហើយ។ ឧទាហរណ៌ មានមា៉ាកនាឡិកា Tissot លក់នៅតាមទីផ្សារក្នុងតម្លៃ 30 ឬ 40 ដុល្លារ នោះប្រាកដជាប្រភេទនាឡិកាកូពីឬក្លែងក្លាយហើយ។

២. ទ្រនិចនាឡិកា៖ លោកអ្នកគួរតែសាេរ៉សាកមើលថា​ តើទ្រនិចនាឡិកាមានដំណើរការស្រួល ឬប្រក្រតីឬអត់? ជាទូទៅនាឡិកា Tissot សុទ្ធ១០០% មានដំណើរការល្អ ឬមិនមានភាពខ្វះចន្លោះនោះទេ។





៣. ផ្ទៃមុខនាឡិកា៖ នាឡិកាម៉ាក Tissot សុទ្ធ ត្រូវបានរចនាឡើងពីវត្ថុធាតុដើមមានគុណភាពខ្ពស់។ ជាពិសេស លោកអ្នកគួរពិនិត្យមើលលេខដែលមានសរសេនៅលើផ្ទៃមុខនាឡិកា គឺមានសភាពល្អឥតខ្ចោះ ឧទាហរណ៍ដូចជាពាក្យ SWISS MADE CHRONOMATRE និង TACHYMETRES (ចំពោះម៉ូឌែលនាឡិកាដែលមានពាក្យទាំងហ្នឹង)។



៤. ពិនិត្យក្បាលរុយ៖ គ្រប់ម៉ូដនាឡិកាម៉ាក Tissot ទាំងអស់គឺតែងមានដាប់ជាអក្សរ ‘T’ ភ្ជាប់នឹងក្បាលរុយ។ បើសិនជានៅលើក្បាលរុុយមិន​មានដាប់អក្សរ ‘T’ នោះទេ នោះក៏ជាសញ្ញាណនៃនាឡិកាក្លែងក្លាយហើយ។ នាឡិកាកូពីឬក្លែងក្លាយមួយចំនួនអាចមានអក្សរ ‘T’ ដែរ តែបើពិនិត្យឱ្យបានល្អិតល្អន់ នោះវានឹងបង្ហាញថា អក្សរ‘T’នោះមិនមានការដាប់ភ្ជាប់នោះទេ គឺអាចគ្រាន់តែជាការសរសេរធម្មតាតែប៉ុណ្ណោះ។ សម្រាប់ខ្សែវិញអាចដាប់ពាក្យ ‘TISSOT’ (ជាអក្សរធំទាំងអស់) ឬអក្សរ ‘T’ ផងដែរ។









៥. ពិនិត្យមើលគ្រប់តួរអក្សរនៅលើនាឡិកា៖ បើសិនជាមានការប្រកបពាក្យខុសចំនុចណាមួយនៃផ្ទៃមុខនិងផ្នែកខាងក្រោយនាឡិកា នោះក៏ជាសញ្ញាណបញ្ជាក់ថា ជានាឡិកាកូពីឬក្លែងក្លាយហើយ។



៦. ពិនិត្យមើលលេខសម្គាល់ (Serial number)៖ គ្រប់នាឡិកា Tissot គឺមានលេខសម្គាល់ ឬ Serial number នៅលើផ្ទៃខាងក្រោយនិងនៅស្លាកភ្ជាប់ (Tag)។ លោកអ្នកគួរពិនិត្យមើលលេខសម្គាល់នៅលើពីរកន្លែងដែលបញ្ជាក់ខាងលើ ថាតើវាដូចគ្នាដែរឬទេ។

5 views0 comments